Abanto-Zierbenako gizakiaren historia Eneolito-Brontze Aroan hasi zen. Horren froga dira Punta Luceroko Los Zorros kobazuloan 80. hamarkadaren hasieran aurkitutako giza aztarnak.

Abanto-Zierbena Somorrostroko harana osatzen zuten zazpi kontzejueko bat zen, lehenengo Karlistadaren ondoren kontzeju bakoitzak bere udalerria sortu zuen arte. Horrela sortu zen Abanto-Zierbena.

Mende horretako Abanto-Zierbenan irakinaldi politiko eta sozial handia nagusitu zen. Somorrostroko edo Abantoko San Pedroko batailak garai horren gertakari adierazgarriak izan ziren.

Meatzaritza Abanto-Zierbenako historia osoan zehar nabarmendu egin da, baina aurreko mendearen hasieran ohiturazko ustiapena alde batera utzi zen. Horren ordez, Bizkaiko industria-garapenaren oinarriak ezarri zituen ekoizpen maila izugarria lortu zuten.